dApp 虛擬貨幣

[dApp] Brave Browser

今個禮拜介紹嘅dApp係一個瀏覽器Browser,叫Brave。其實無論你有無用過或聽過Brave,你都可能聽過佢公司發行嘅加密代幣BAT (Basic-Attention-Token)。

Brave作為一個瀏覽器,除左想為用戶提供更安全保密及快捷優質嘅網上瀏覽體驗外,更係希望可以為網上內容創作人建立一個以”注意力”為量度單位嘅回報機制。

首先,Brave表明不以轉售用戶個人資料為收入,所以用戶不用擔心個人資料外洩;瀏覽器有一種叫Anonize嘅科技以通過匿名但可被追蹤嘅交易(好似去投票咁-知道邊個投左票,但唔知每個人投俾邊個)。

而除左保密同比Chrome & Firefox快(快3X)之外,Brave最特別之處係其實佢亦係一個電子錢包(build-in左),可以比用戶匿名地選擇透過支付BAT以支持喜歡嘅內容及創作人;而支付幅度可以透過瀏覽器內嘅選項,選擇按瀏覽頻率及用戶設定嘅比例自動支付 – 而呢個就係Brave其中一個dApp啦。因為呢個功能就係係按Smart Contract運行。

但大家都應該諗到,一般用戶都唔會想由自己銀包拎錢出嚟比創作人。咁點先可以建立一個生態系統令用戶肯以行動支持創作人呢?

其實Brave瀏覽器內雖然有免費阻擋廣告功能,令用戶有更好嘅瀏覽體驗;但同時,Brave亦諗到2個令用戶接受廣告嘅方案,不過當然呢2個方案可以讓用戶接收到合適嘅廣告資訊之餘,又可以幫到創作人,同埋唔會有個人資料洩漏比第三方。

方案1:

如果用戶接受廣告,廣告出現時會發出通知並顯示於一個獨立頁面上,同時,用戶會收到廣告收入嘅70%。

方案2:

廣告出現於內容發布網站(如facebook/reddit),如此一來,內容發布網站就會收到70%嘅廣告收入,而用戶就會收到15%嘅廣告收入。

其中,方案1應該於今年Q2推出(應該喺6月)。而呢2個方案當然都係由Smart Contract去執行,令用戶/內容發佈網站都一定可以收到錢。所以呢個平台真係好全面;亦真係透過blockchain & ethereum先可以建立到咁樣互惠互贏嘅生態,令用戶、廣告商、發布平台大家都得益!

大家如果有興趣可以直接到Brave網站了解更多:

https://brave.com

來源: myethlabs

Facebook Comments

發表迴響